مساكين اصحاب الاسهم جاهم الحيف=محدٍ سمع شكاويهم ولابه للمشتكي والي.
الآمال طاحت والتوصيات اثرها زيف=محدٍ درى كيف ووين راحت ذيك الاموالي.
كم واحدٍ من قبلها يملك شي ماشيف=راحت ذيك الملايين اصبحت بآلاف الريالي.
راحت ايام السفر في عطلة الصيف=غير اللي من سببها تحطم وطلق ام العيالي.
وامسى في غرفةٍ مابها حس تكييف=واللي مأجرها عليه لين اخر الشهر بنقالي.
يالله عساها من ذنوب البشر تخفيف=وياعساك تبدل مرّها في تالي الوقت حالي.