السندريلا و الزلااابه ( للبالغين فقط 18+)

#1 2010-05-11, 02:01 PM

للبالغين , الزلااابه , السندريلا , فقط

السندريلا و الزلااابه ( للبالغين فقط 18+)

منورين هالصفحه

الموهم يا اصدقاي و صديقاتي تسمعون كل يوم في واحد عايش حب جديد و الثاني مفارق حبيبته( خويته) وكذا يعني مشاكل كثيره مع هالحب , ومحاتسيكم طبعا عاش هالشيء الراقي ( الراقي متسلفها من اهل الادب وشكرا )

وحبيت افتح قلبي وانخشه لكم من بين الضلوع الحنايا و افضفض لشعب حنان المعطاء ( احس متوصي باللغه العربيه ملاحظين )

الموهم هذي وحده يقال لها (اشواق) يالبيه يابعض العربان ( مع فيس متخصبق طبعا )

وربي كنت اجلس عند باب بيتنا تقول سروق غنم
بس مشان اشوفها العصر لما تروح للدكان تشتري فش فاااش ( طبعا زي ليز بس بدون ملح )
وكنت اتعب و انهار انهيار عصبي وتشنجااات
اذا ما طلعت تشتري و احيانا ودي اروح ادخل لهم ريال من تحت الباب ( شدعوه ماكينة بيبسي يالحبيب )
بس عشان تطلع هالطخمه واشوفها وتروح تشتري , لكن لسا ما علمتكم عن (اشوااااق) وش شعورها اتجاهي
( تسني جراهام بل )

كنت اجلس بالحوش واقول بنفسي ( تحبني و الا ما تحبني ) ياربي رباه كيف اعرف والمشكله مافيه بعصرنا وسائل اتصال زي الان مافيه بلاك بيري
ولا جوال خير شر ولا فيه فيس بوك
( احسن واحد فينا اللي في بيتهم كمبيوتر صخر )
تسنه لاب توب بهاك الوقت , طبعا البنت ما تدري عني ولا عن مربضي

ومره من المرارير لقيت واحد من اصدقاي وجلست افضفض له واقول له ياخي هالبنت فيها وفيها وانا احبها وميت في دبديب رجولها ( مقتبسه من فلم بخيت و عديله ) , عاد هو بسم الله عليه معروف يسدح العذارى ( بس المسيكين اخر عمره طلعت فيه ثعلبه وخربت الكشخه عليه )
وكان محترف بالاشياء هذي , قلت يا فهد مدام انت قابلت هالرجال لا تفوت الفرصه عليك وخليه يعطيك بعض تجاربه اغديك تصيب معك لو مره

طبعا محاتسيكم جالس معه وسعابيلي تقووطر متحمس وكذا ( لووووووول )

وقالي ياخي وش لك بالحريم ( تمنيت معاي مفتاح عجلات افتح فيه راسه )

قلت له شدعوه مالنا ( قلب ومشاعر )
صرخ بوجهي وطارت بعض السعابيل

وقال يلعن شكلك يا منحرف ( انا على بالي ترقيت شوي )
قال ياحبيبي هذولي لحسة مخ و عالم كله وسوسة ,

قلت يابن الحلال انا والله احبها وش السواه خل الخرطي عنك ,

قال طيب هي تحبك , ( هدووووء بدينا بالتفتيش )

قلت وبكل بجاااحه لا والله ما درت عن مربضي , الان ابيك تفزع لي كيف اصارحها و افضفض واعبر عن شعوري
( ركزو معاي وقتها كنا جالسين عند الدكااان )
ولا امداني اكمل له السالفه الا اللي جاات تركض
( وخرو عنها يالبييييييييييييييييه يالطخمه )
وبينما هي تركض حسيت انها تناظر لي وانا شغال ابلع ريقي وخويي يناظر

ويقول لاتقول هالمعصقله هذي حبيبتك
( الا وترفرف حواجبي ويحمر خشمي ( ويعني اذا حمر الخشم عند العربان وصل الدم للركب )

قلت له بقوه طبعا ( اقطع و اخص ) هذي حياتي

ناظر فيني وضحك بصوت بجيح ولو مرت من عندنا حامل راح يصيبها اجهاض من ضحكته الخايسه
بس اشوا ربنا ستر ذاك اليوم

قلت شفيك ايه هذي حبيبتي قال الله يهنيكم , قلت تكفى ابغى وصفه سريعه ابي افهم البنت اني احبها بسرعه قبل لا تشتري
( فش فاش وتمشي ) اعجل علي ,

قال شوف الحقهاااا واحشرها بزاوية الدكان وقول لها ( أحبك )

قلت ياخوي وش اللي احشرها ليه هي ( بقره ) ..؟

قال شوف انقز و راها وسوي نفسك بتشتري وحاول تصدم فيها او تحتك اهم شي سوي ( حااادث )
بجد دراما مصريه متاثرين بــ(فاروق الفيشاوي ) ,
ونقزت وراها ولا انتبهت لي وعاد مكشخه واخر الاناااقه يالبيه ( فنيلة لونها اخضر على سروال كحلي )
يعني تحوم كبدك من الالوان بس وقتها اشوفها احلا بنت بالكوره الارضيه , وهي تنقز على الفش فاااش وانا انقز على ثلاجة البيبسي ,
وفجاءه اطلب الهندي واقول يا (صديق) عطني بيره ( يااااااااااي يا قاامد )
والله يوم تلتفت علي وي وي وي وي وبدأ قلبي يدق ويمشي 7000 ويصبصب مني عرق زي سيول الرياض الاخيره مدري ليش , الظاهر الحياء اللي يقولون عليه , وتصكني بابتسامه ماهي صاحيه
( واتشقلب على ثلااجة العسكريم وانسدح وبلا حرااك ) , وتدفع الريال وتاخذ الفش فاش وتمشي لبيتهم , ويلحقني خويي ويشتري مويه بريال ويكبها علي ولا زلت في غيبوبه
( ويشتري جركل 20 لتر ) ويصبه علي الين ما صحيت وانا اغني اغنية عبدالحليم ( اني اغرق اغرق اغرق اغرق )

قال سلامات وش فيك , قلت بالله وخر ابي اتنفس , قال شفيك انصرعت لاتكون سوت لك عمل
( يعني اخر شي تطلع خويتي مشعوذه اقطع و اخص ) ,

قلت ياخوي صابني شي مو طبيعي , وجلس يحقق معاي ليه وش صار معاك طيب , قلت ياخي ابتسمت لي ببتسامه سدحتني , قال ااااه هذا الحب ( واناظر فيه )

قلت يعني البنت ميته فيني ( بالحيل ميت فيني )

قال نعم نعم ويهز راسه اللي تقول ( ليمونه )

قلت يابختك يا فهد , طيب وش اسوي الان مدام البنت رايحه وطي معاي وكذا ,

قال لازم تنشب لها تروح عند بيتهم او عند مدرستها أي شي بس خليها تحس بوجودك ( ياشيخ اسنتر لها وش وراي )
وذاك اليوم قايله و وحر فضيع ( ورمضاء حيييل ) زبطت القذله

قلت انشالله اشوفها , وادق سلف بالمكوك ( سياارتي ) واروح عند مدرستها ( طبعا البنت تدرس في مدرسة اهليه يعني بنت شبعانه مو زي بناتنا بمدرسة دور واحد و حاطين للمقصف سقف حديد وملصقينه بزاوية الحوش (تسنه مسلخ مو مقصف )
وانتظر الين ما طلعت وعاد شكلي مميز من بينهم ( عاد افهموها على راحتكم ) والله ومن سوء الحظ طلعت غايبه ( طيب كيف عرفت ) انا مضبط الفراشه ( يؤؤؤؤؤؤؤ ) ,

قلت مو مشكله نشوفها في وقت ثاني , وارجع للبيت ونفسيتي زفت مع هالحر , وامي تنادي ( يافهيد ) واجي ادودل راسي
( خويكم سهران ولا نام بس عشان يشوفها بالصرفه بس مالله كتب لي اشوف لو لقطه ) واقول سمي .

قالت اليوم نبغى نروح مشوار العصر اخمد والعصر اصحيك ,

قلت زين زين .

والله واصحي العصريه واحس راسي تقول طشت لونه احمر ما نمت زين وكل نومي كوابيس مؤلمه , واخذ لي
( شوووور محترم مع ليفه طبعا ) ,

وادق سلف انا و اميمتي ( رايحين لمجمع النور مووول ) وانزل مع امي ( يعنني محرم ) ,
وتشتري لها اغراض وكذا .

ويا سبحان الله على الصدف توقعو من شفت ( يالبيه ) , شفت اشوااااااق ( واااااااااااااااااااااو يا أرض احفظي ما عليك ) .

وانا لا شعوريا انقز واخذ العربيه من امي , واحس اني توهقت معاااكم و مع اشواق ولا قدرت اقفل هالموضوع ههههههههههههههههههههههه

انشالله اقرب فرصه اكمل لكم وش صاااار زين

يلا فمان الله

شووكرن على المتابعه
<======== بالله مو ماصل وزلابه ههههههههههههههههههه
للمزيد من مواضيعي

2010-05-12, 01:22 AM

الله يعطيك العافيه
خيي مو عادي
هع هع شكل السافه توحفه
وه بث

2010-05-12, 03:21 AM

هههههههههههههههه حلووووووووووه اوما اني اغرق اعرق كششخه
تسسلم دياتك على هيك قصه
موودتي ـآآ
تحمست وش بيصير

2010-05-12, 01:41 PM

موت و ميلاااد

اقتباس:

الله يعطيك العافيه
خيي مو عادي
هع هع شكل السافه توحفه
وه بث

يعافيك ربي ولا هنت على هالمروور

لك ورده

2010-05-12, 01:44 PM

رياااااانة العوووود

اقتباس:

هههههههههههههههه حلووووووووووه اوما اني اغرق اعرق كششخه
تسسلم دياتك على هيك قصه
موودتي ـآآ
تحمست وش بيصير

الحلو طلتك اللي ترد الرووح ولاهنتي على هالمرور
لك وردة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فضيحة فتاة في الثانوية مع صاحبها && الرجاء الدخول للبالغين فقط !!	الماســة	\|\| روايات قصيره - روايات طويله - قصص - روايات - حكايات - تحميل روايات ~<	10	2010-09-03 08:19 AM

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

قائمة الوصول السريع
Howard Carter	خلفيات ايفون	مسلسل روبي 2012	شات حنان	خلفيات بي بي	خلفيات بي بي	خلفيات بي بي	دار داركم
قصة فكتوريا	تواقيع	شهل العسل	قصة شعر فكتوريا	قصات شعر فكتوريا	محمد عبده جاني كلام	روبي الحلقة رقم 1	اجمل طفله في العالم
الغربة	خلفيات ايفون 4	خلطة بياض الثلج	شهر العسل	شات	توبيكات غرور ودلع	صور سعوديات	فساتين سهرات

السندريلا و الزلااابه ( للبالغين فقط 18+)

منتدى لطرح القصص والروايات من تاليفك او منقولة مع الاشارة الى كاتب القصة او مصدرها

السندريلا و الزلااابه ( للبالغين فقط 18+)

للبالغين , الزلااابه , السندريلا , فقط السندريلا و الزلااابه ( للبالغين فقط 18+) منورين هالصفحه الموهم يا اصدقاي و

للمزيد من مواضيعي