محتاج قربك لا تضيعني .... راويتي الثانيه بين ايديكم

2010-08-02, 02:59 PM

الجزء السابع

وش ناوي؟؟ وليه انت علي قاسي!!
كفايه تشعل النيران بقلبي وتجرح احساسي
حسبتك اعز انسان هديتك اعذب الالحان
تحابينا مثل الاخوان
تسامرنا مثل خلان
تزاعلنا وتراضينا
الا هالمره ترى غلطان
طعنت القلب وخليته يعاني نزف والم حرمان
وذوقته العذاب الوان
حسافة فوق كل هذا تجيني
بصورة الولــهان
وبكل بساطة تقول اعذرني ترى
"ندمــــــــان"

واحد من الوفد : come alhanoof with us to eat dinner
الهنوف: no thanks
قطع حديثهم تلفون الهنوف يرن ردت لا إراديا : yes
ابتسم رائد على عفويتها : مرحبا الهنوف
الهنوف: هلا استاذ رائد
رائد: ها شخبار الوفد .. كلشي تمام
الهنوف: don't worry sir, every thing ok
رائد: thanks alhanoof, but why speak English
الهنوف: ههههه سوري بس قاعدين يطالعوني حسيت ان شكلي غلط اتحجى عربي صوبهم
رائد ذاب من ضحكتها وحركاتها العفويه : اهاا .. اوك الهنوف مدام وصلوا الفندق تقدرين ترجعين الشركه لو البيت براحتج .. تعبناج اليوم وااجد
الهنوف وبعفويه : تعبكم رااحه
رائد : الله يسلمج ... يلا مع السلامه
....................................
مشااعل وهي تركض على الدرج صدمت بشخص
ابو فيصل: اشفيج يابنتي ما تشوفين
مشاعل : هههه يا ابتاه اني مستعجله
ابوفصيل: ههههههههه الحين ابتاه عربيه فسحه ومستعجله عاامي .. يابتي حتى لو كبرتين بظلين الصغيرة واخر العنقود والشيطاااااااانه
مشاعل: افا يبه انا شيطاااااااانه ...... يلا سي يو بابي
وتواصل ركيض الى حجره ليلى اختهااا : هلالالاو اني جييييييييت
ليلى: خرعتني هالمرة فتحي باب عدل
مشاااعل : جزاتي جايبه ليش معلوماااااات مفيده عن زوج المستقبل .. خيرا تعمل شرا تلقى
ليلى: مسااااامحه اختي ... امشي قعدي صوبي
مشاااااعل : يالمصلحجيه ... اراويج لكن
....................................
محمد: يلا وفاء اتأخرنااا
وفاء وتلبس شيلتها: انزين ما تسوى عليي بتوصلني
محمد: اذا زيتين حجي ما بروح وياااش
وفاء وهي تطلع: افا اخوي اتسويها ما اتوديني
محمد: اي اسوويهااا
ام الهنوف: سلمي عليها وعلى امهااا لا تنسين
وفاء وهي تأشر على عيونها : من عنوني على قوله الهنوف
الهنوف وهي تطلع : ويش فيها الهنوف بعد
ام الهنوف : ولا شي يابتي .. يلا محمد ود اختك لا تتأخر على لبنيه واتحملوا في شارع
محمد: ان شالله يمه ... يلا وفووووي امشي لا يروح النقل العام
طبعا بحكم ان الهنوف للحين ما استلمت المعاش الاول .. والفلوس الا عندهم ماتكفي حق تاكسي فطروا يروحون في النقل العاام
............................
الهنوف من طلعوا اخوانهاا وعطت امها دواهاا اتوجهت الى حجرتهم ورمت روحهاا .. اليوم تعبت وااجد ويه الوفد وماتركتهم إلا لما اتأكد انهم راحوا غرفهم الا في فندق .. اتذكرت لما راحت المطار اول مرة اتشوفه ياما تسمع عنه بس ما عمرها دخلته .. والفندق الا اندهشت من تصميمه شلون كاان رااقي ومرتب وهادئ.. فزت كأنها تذكرت شي .. التلفون .. والله مو مصدقه اني صار عندي تلفون .. اكيد لو شافته وفووي بتستاانس .. بس اني ما شكرت استاذ رائد .. اتذكرت ان هو اتصل ليها يوم كانت في الفندق فقررت تشكره
.....................................
ام فيصل : اني بروح بيت اختي من رخصوا فاطمه ما رحت
ابو فيصل : وصلي سلامي ليهم .. تبيني اوديش
ام فيصل: اذا فاضي
ابو فيصل: حتى لو مشغول افضي ليش .. جم ام فيصل عندي
ابتسمت ام فيصل: عجل بروح بلبس وبشوف البنات اذا بجوون
ام فيصل : شعوووووووول .. ليلى
طلعت مشااعل وهي تركض : نعم نعم نعم
ام فيصل ضحكت على خبال بتهاا : بروح بيت خالتكم بجووووون
مشاعل : اكييييييييد .. يلا ليلى بسرعه لبسي .. اماه روحي لبسي لا تعطلينااا
ام فيصل وليلى : هههههههههههههههههههههه
ليلى: اشك اختي عاقله
.............................................
وفاء ومحمد كانوا يمشون في شاارع ويدوروون بين العنود : حمود شوف لبيوت شلون كشخه
محمد وهو يطالعم بإعجااب : ايي بس الحمدلله الواحد ما ياخد الا نصيبه
وفاء وهي تأشر على بيت كبير وفخم : حموووووود شوف هالبيت ما شاء الله فخم صار خااطري ادخله
محمد: لا تتحلمين وااجد .. اقول جم رقم بيت رفيقتش
وفاء: وهي تقول الرقم # # # # #
محمد: وفوي والله تحقق حلمش
وفاء : اي حلم
محمد : البيت الكبير الا تبين تدخلينه طلع بيت صديقتش
وفاء : هااا .. احلف
محمد : والله .. انزين امشي لان واجد اتأخرنااا
اتقدم محمد وفاء من البيت والاثنين منهم كانوا يطالعون بإنبهاار : انزين بحارس لما تدخلين بعدين بمشي وبعد صلاه المغرب بجيش
وفاء وهي للحين مو مستوعبه : هااا ... انزين
طقت الجرس .. طلع ليها صوت من الجرس : من ؟؟
وفاء انزهقت : موجوده العنود
شوي وانفتح البااب بروحه .. وفاء واقفه متردده تدخل لو لا
محمد : دخلي بسرعه عطلتيني .. يلا انا بمشي تحملي بروحش
وفاء : لا تروح إلا لما ادخل
محمد : اوووووف يلا دخلي
وفاء دخلت البيت وانبهرت بلي شافته كان على جنب نافورة كبيرررررة وقطرات المااي توصل الى فوق وتنزل بطريقه حلوه بحيث كل حين دور نقطه ترتفع وتنزل وفي الاخير النقاط كلها تتجمع تروح فوق وتنزل .. وعلى الجانب الثاني كان ورود من كل الانواع مزروعه منظرهم يخلي الواحد يرتاااح
: اتفضلي
انتفضت وفاء من الصووت
رئيسه الخدم ((ميري)): مدام ام رائد اتقول تفضلي
دخلت وفاء وهي حدها منحرجه ..لما وصلت داخل شدهاا كبر المكااان قاعتين كبااار .. وعلى جنب مطبخ تخضيري والجهه الثانيه غرفه طعاام
ام رائد : حيااج يابتي شرفتي
وفاء انتبهت الى روحهاا اتوجهت الى ام رائد وهي تحبهاا: سلام خاله .. شخبارش ؟؟
ام رائد : بخير يمه عسااج بخير .. حياج يمه تفضلي قعدي .. الحين بجي العنود .. ميري روحي نادي العنود
ميري : ان شالله مداام
ام رائد: شخبارج بعد وشخبار الاهل
وفاء وهي حدها منحرجه : بخير خاله وتسلم عليج امي
ام رائد : الله يسلمها ويحفظها ويخليها ليكم
العنود وهي تنزل من الدرج : هلا والله توه ما نور البيت
وهي تنزل وتحضن رفيقتهاا : شخبار
وفاء: تمااام
.......................................
رائد كان في النادي ويه فيصل من طلعوا من الداوم رااحوا طبعا بعد ما اتغدوا في نادي بعدهاا بدوا يلعبون
فيصل وهو يقعد : تعبت خلالاص
رائد وهو يوقف لعب : انا بعد بس بناخد شور سريع وبنرجع البيت
فيصل : اووك .. وانا الليل بكون عندكم
رائد : انت ما تشبع كل رااز وجههك
فيصل: كيفي وثانيا البيت هنااك في بيتكم بروح باخذهم
رائد وهو يطلع تلفونه من اللوكر : قول جدي
فتحه كان فيه مسكولين ومسج .. شان المسكولات من بيتهم وفتح المسج واستانس ما توقعها اطرش ليه
(( مشكور استاذ رائد على التلفون .. الصراحه ما ادري شنو اقول ليك ... بس حبيت اشكرك .. الهنوف))
فيصل : اقول يالحبيب ويش فيك تبتسم
رائد : لا بس اتذكرت شي ... يلا مشيناااا
..........................................
العنود وهي توقف : يلا وفوووي قومي نركب فوق علشان ناخد راحتناا
وفاء وهي توقف : لا عند اذنج خاله
ام رائد : الله وياكم .. اخدي راحتج يا بنتي
وركبوا فوق وفاء بس اتطالع بإنبهاار .. والعنود انتبهت الى وفاء بس ما حبت تحرجهااا
وفاء: ما شفت اختج ويوسف الصغييييير
العنود وهي تفتح باب حجرتها : بعدين بنروح ليهم .. تفضلي هاادي حجرتي
دخلوا .. وفاء : وااااااااااااااااااااو كشووووخي
حجرة العنود كانت كبيرة وهي عبارة عن حجرتين .. حجرة للتبديل وكان فيها بيانوو والثانيه فيها السرير والطاوله تبع السرير .. كان لون الحجره فوشي والجهه الا فيها السرير كاني درجه الفوشي اغمق .. في الجهه من حجرة التبديل كان الجداار زجاج يطلع على بيتهم من ورى .. طبعا ورى بيتهم بتكون بركه سبااحه كبيرة .. ومنظرها من حجرة العنود كشخه
العنود : عجبتش
وفاء وهي تتنهد : اي . . عليش بالعافيه
العنود وهي تبتسم الى صديقتها : اي شي يعجبش فيها اخديه حلال عليش
وفاء: لا وش دعووه .. مشكورة ... عنوده فستانش حلووو
العنود كانت لابسه فستاان قصير لونه زيتي كلش ناااعم وطالعه كيوت
العنود: صدق ما يغلى عليش وفوووي .. ترى عندي واحد مثله فت .. اني كنت مشترتنه وبصدفه يوم ثاني اختي فطوم جايبه ليي واجد هديه وطلع نفسه عداا الكرستاال مختلف ... العنود وهي تتوجه عند الكبت وطلعه وتحطه في كيس وتعطيه وفااء
وفاء: ما ابغي هااده فستاانس عليش بالعاافيه
العنود: وفوي لا تزعليني .. احنا ربع ومثل الخواات ومابنقصر على بعض
وفاء ابتسمت على كلام صديقتهااا
وفاء: سمعي ابغي منش خدمه
العنود: تامرين انتين
وفاء: باجر عيد ميلاد الهنوف وابغي اسوي ليها مفاجئه .. مسكينه اختي من توفى ابوي وامي صارت معاقه صايرة هي إلا تشيل البيت وتلبي لينا كلشي نبغيه وهي حتى ما تفتكر في روحها ولاتهتم ولاتشتري ليها اغراض عندها اهمشي احنا .. واني فكرت ويه عيلتنا الصغيرة ان هالمرة انفاجئهاا وخبرش الفريق الا حنا فيه شي عدل لا مخبز ولا محلات حق هدااياا .. فبعطيش لفلوس تشترين ليها وتشترين كيكه وجيبينهم باجر ونحتفل جمييع
العنود دمعت عيونها على حالهم : افااا عليش من عيوووووني الثنتيييييييين
قامت وفاء وحضنت صديقتهااا : مشكووورة ما بنسى هالخدمه
الا يسمعوون طق على باب الغرفه
مشااعل : فتحي الباب لا اكسره الحين
وفاء: من دي ؟؟
العنود : شكلهم بناات خالتي ...... راحت فتحت الباااااااب : هلا والله بت الخاله شخباااارش ؟؟
مشاعل هي تدخل : بخيرررر شعول .. سوري ما دري عندج احد
العنود: لا عاادي اعرفج صديقتي وفااء
مشاعل وهي تسلم عليها : هلا وفوووووووووي شخباااااار
وفاء: بخييييير
وظلوا سووووووالف وضحك لما وصل اخو وفاء .. في وصووله كان رائد توه وااصل اول بداايه ماعرف رائد بس استغرب وقوفه عند بيتهم
رائد: بغيت شي ؟؟
محمد: رائد ... وهو يمد ايده ليه ,شخبارك
رائد اهني عرفه : بخيييييير .. شخبار محمد
محمد: تماااااام .. اسأل عنكم
رائد: تسأل عنك العافيه .. تفضل
محمد: لابس وفاء اختي اهني اذا عليك امر نادهاا لا نتأخر
رائد : مافي مشكله .. وطلع تلفونه اتصل بيتهم وخبرهم علشان وفاء تطلع لان اخوها برى... وقف يسولف ويه محمد
.................
وفاء وهي تسلم على مشاعل وليلى وفاطمه : اتشرفناااااااا .. يلا مع السلامه
: مع السلامه
وفاء: عنوده لاتنسين إلا وصيتش عليه
العنود: ما يحتااج توصين
ونزلت سلمت ام رائد وام فيصل وطلعت برى الى اخوهاا واتفاجئت ان ويااه احد واقف سلمت وقفت صوب اخوهااا
محمد: يلا رائد نشوفك على خير ان شالله
رائد : محمد في شنو بتروحوووون
محمد : لا تحاتي بندبر روحنااا
رائد : يلا امشوا بوصلكم الحين ليل ومافي اماان بوصلكم
محمد: لا تعب روووووحك بندبر روحنااا
رائد : ترى والله ازعل
محمد هو مجود ايد وفاء : يلا مشينااا وفووي
وفاء في بالها هاده رائد ,, ويلي اجنن ,, اقول ليش الهنوف ماترضى أسال عنه من حقهااا
ركبوا سيارة رائد الهمر .. محمد انبهر بس مابين الى رائد اما وفااء مستانسه اول مرة تركب سيارة كشخه طول الوقت تطالع فيهاا كأنها في حلم ومو مصدقه
.......................................
ليلى وهي تاخد يوسف : اتغير عن اول مرة شفته ,, صار واجد يشابهش فطوم
فاطمه : ايي كل من يقول وخبرش الجهال كل يوم ليهم شكل
مشااعل : باجر بشابهني
طق طق طق طق طق طق
العنود : يالمزعج عليووه
مشاعل : ويش درااش انه علي
العنود: لانه هو مززززعل واعرف طقه الباب
علي : مساااااء الخير خواتي ... بنات خالتي
الجميع : مسااااء النوووور
علي وهو يطالع مشااعل : انت وينج جم يوم ماشفتش في جاامعه
مشااعل : ارووح بس ماالتقي ويااك لان ما اقعد هالاياام بعد محاضرات سيدة ارجع البيت
علي: احسن ليش ... خب ليلى خلاص اخر كووورس
ليلى: اي افتكييييييييت
العنود: والدور جااي عليي .. اني قررت ماادخل جاامعه
فاطمه: جي على كيفش
علي: خليهاا تحلم .. اذا اتخرجت غصبا عنها تدخلل جاامعه
العنود : يصيرررر خير
.......................................
محمد : خلاص وقف اهني مايحتااج تدخل الى داخل احنا بنروح نمشي
رائد: محمد انا حلفت اوصلكم .. اوردي بوصلكم الى بداايه الفريق والبااقي مشي
محمد : والله تعبنااااااااااك
رائد: تعبكم رااحه
بعد دقاايق وصلوا الى بداييه الفريق .. وقف رائد السيااره .. نزلت وفااء ومحمد
محمد: مشكوووور رائد .. تعبناك سامحنااا
رائد: محمد مو بينا هالحجي .. انت حسبه اخوي الصغير واذا اتحجت شي كلمني ... وهو يمد الكردت الى محمد
محمد: مشكوووور يا خوي
ابتسم رائد على كلمه محمد وسلم عليه ورجع الى بيتهم
.......................................
وفاء طول الدرب سااكته مستانسه وفي نفس الوقت في صيحهااا وتتمنى خواتها يشوفون إلا شافته اليوووم .. شي كان خياال حتى في الحلم ما يقدرون يشوفوونه .. وصلوا البيت وسلموا على امهم وخواتهم
الهنوف: كأنكم رجعتون من وقت .. خبري النقل العام يوصل 9 والحين 8 وربع
وفاء ابتسمت وطالعت محمد كأنها اتقول ليه اتكلم
محمد: ايي لان ما رجعناا في النقل العام
ام الهنوف بخووف : عجل ويه من ؟؟؟
محمد : ويه اخو صديقه وفاء الا هو رااائد
الهنوف وهي منصدمه : راااااااائد
محمد: اي شفييييج .. صراحه خوش رجااال انا حبيته
وتمنيت لما اكبر اكون نفس شخصيته .. تصدقين يمه قال مااخليكم ترجعوون في ليل بروحكم انا ارجعكم .. مارضينا بس هو لزم عليناا
ام الهنوف: الحمدلله ان للحين في ناس بهالطيبه والاخلاق الله اخليه الى اهله ويوفقه دنيا واخره يارب
.................................
وفاء: ويش كشخه واناقه ورزه .. واني اقول ليش ماتبني اشوفه
الهنوف وهي ساكته
وفاء: هنووووووفه كان لابس بدله رياضه وطالع جنااااااااان .. عجل شلون في الشركه شكله اكيد انييييق
الهنوف: ههههههههه انتين ويش فيش .. من جيتين تتحجين عنه
وفاء: بيتهم يالهنوف قصر ... ولا عمرش تحلمين اتشوفين مثله .. كلمه روعه شويه عليه .. كبير ورااقي وفخم وكل خدددم ... وصفت ليهم البيت ومن دخلت لما طلعت ويش صار وهم يسمعون ليهااا بكل انصاات
...................................

2010-08-02, 04:12 PM

تسلمين حبيبتي ع الجزء
رووووعه .. بإنتظار التكمله

2010-08-03, 12:15 PM

الله يسلمج

من عنوووني

2010-08-03, 12:20 PM

تسلميييييييييييييييين
واااااو صرااحة عجبتني شخصية العنود و رائد و فااء و لهنوف
صرااحة يعني ..
يلا نبي التكمله ..
هع

2010-08-03, 02:40 PM

رووووعـه

تسلمي غناااتي

يلا عاااد نبي التكملــــــــــــــــــــــــه

LinkBacks (?) LinkBack to this Thread: http://www.7nan.com/vb/t28335.html
أرسلت بواسطة	For	Type	التاريخ
ط´ط§طھ	This thread	Refback	2011-10-26 06:31 PM
رواية بحرانية روعه /محتاج قربك لا تضيعني - الصفحة 5	This thread	Refback	2011-07-25 09:41 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
روايتي الثانيه ... محتاج قربك لا تضيعني	بسمه امل	\|\| روايات قصيره - روايات طويله - قصص - روايات - حكايات - تحميل روايات ~<	5	2010-07-21 07:58 PM

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

قائمة الوصول السريع
Howard Carter	خلفيات ايفون	مسلسل روبي 2012	شات حنان	خلفيات بي بي	خلفيات بي بي	خلفيات بي بي	دار داركم
قصة فكتوريا	تواقيع	شهل العسل	قصة شعر فكتوريا	قصات شعر فكتوريا	محمد عبده جاني كلام	روبي الحلقة رقم 1	اجمل طفله في العالم
الغربة	خلفيات ايفون 4	خلطة بياض الثلج	شهر العسل	شات	توبيكات غرور ودلع	صور سعوديات	فساتين سهرات

محتاج قربك لا تضيعني .... راويتي الثانيه بين ايديكم

منتدى لطرح القصص والروايات من تاليفك او منقولة مع الاشارة الى كاتب القصة او مصدرها

محتاج قربك لا تضيعني .... راويتي الثانيه بين ايديكم

الجزء السابع وش ناوي؟؟ وليه انت علي قاسي!! كفايه تشعل النيران بقلبي وتجرح احساسي حسبتك اعز انسان هديتك اعذب الالحان